Калекцыя «Інсектарыя» налічвае 31 від жывёл. Наведвальнікі могуць пазнаёміцца з 15 відамі тараканаў, 7 відамі павукоў-птушкаедаў, 6 відамі палачнікаў. А таксама кіўсякамі, бронзаўкамі і гіганцкімі кузнечыкамі.
Кіраўніцтва заапарка падкрэслівае, што экспазіцыя не будзе статычнай і плануе рэгулярнае абнаўленне, каб падтрымліваць цікавасць публікі.
Першых наведвальнікаў запрасілі на тэматычную экскурсію «Незнаёмыя насякомыя». Самыя смелыя госці прынялі ўдзел у фотасесіі з экзатычнымі жыхарамі «Інсектарыя» — палачнікамі і гіганцкімі кузнечыкамі.