Чаму шкло небяспечнае?

Для птушак празрыстая або люстраная паверхня не з'яўляецца бар'ерам. Яны альбо бачаць у адлюстраванні кусты і дрэвы, альбо спрабуюць праляцець будынак наскрозь.

Гэта штучная, створаная чалавекам небяспека, якая не мае нічога агульнага з натуральным адборам. Большасць такіх сутыкненняў заканчваецца гібеллю.

Асабліва масава гінуць маладыя лясныя птушкі восенню, якія ўпершыню апынуліся ў горадзе і не ўспрымаюць шкло як перашкоду.

Як зрабіць гарады бяспечнымі для птушак?

Спецыялісты даюць парады, як можна знізіць смяротнасць птушак:

• Для архітэктараў і праекціроўшчыкаў: пры будаўніцтве новых будынкаў неабходна выкарыстоўваць спецыяльнае шкло, заўважнае для птушак, або наносіць на яго ўзоры і налепкі.

• Для ўладальнікаў будынкаў і кватэр: зрабіць існуючае шкло заўважным Падрабязныя парады можна знайсці ў ТГ-канале "Дзікая прырода побач"

Першая дапамога пацярпелай птушцы

Калі вы знайшлі птушку, якая ўдарылася аб шкло, але яшчэ жывая, важна ведаць, як ёй дапамагчы:

1. Асцярожна злавіць: накіньце на птушку шапку або шалік, каб не нашкодзіць.

2. Пасадзіць у сховішча: змесціце птушку ў каробку з вечкам.

3. Правіла "Тры Ц": забяспечце цішыню, цемру і цяпло. Гэта дапаможа птушцы адчуваць сябе ў бяспецы.

4. Выпуск: калі праз некалькі дзясяткаў хвілін ці гадзін птушка ажывіцца і пачне рэагаваць, яе можна выпусціць каля кустоў, удалечыні ад будынкаў.

ВАЖНА: Ні ў якім разе не паіце, не карміце птушку і не спрабуйце самастойна ўпраўляць канцавіны!

Калі стан птушкі не паляпшаецца, неабходна неадкладна звярнуцца да ветэрынара ці ў цэнтр рэабілітацыі дзікіх жывёл. Таксама можна папрасіць дапамогі ў чаце "Ціў-Ціў".