Паводле дадзеных, апублікаваных у газеце «Навука», папуляцыя чорнага бусла ў Беларусі налічвае каля 2000 пар, але яна знаходзіцца пад пагрозай.
У некаторых рэгіёнах Беларусі, такіх як заказнік «Сярэдняя Прыпяць», у гэтым годзе ніводнае птушаня чоргана бусла не змагло выжыць, што выклікае трывогу ў эколагаў.
Прычын некалькі. Паводле слоў Паўла Пакуля з Навукова-практычнага цэнтра па біярэсурсах, птушаняты гінуць ад хвароб, становяцца ахвярамі драпежнікаў, такіх як арлан-белахвост, або пакідаюць гнёзды з іншых прычын.
Яшчэ адна важная прычына — знішчэнне гнёздаў з-за дзейнасці чалавека. Пад аховай знаходзіцца ўсяго 5-10% гнёздаў. Амаладжэнне лясоў таксама ўяўляе сур'ёзную праблему: чорныя буслы маюць патрэбу ў старых і моцных дрэвах для будаўніцтва гнёздаў, якіх становіцца ўсё менш.
Каб спыніць спад папуляцыі, навуковец прапануе два рашэнні. Па-першае, неабходна арганізаваць валанцёраў, якія будуць шукаць новыя гнёзды і рэгістраваць іх для далейшай абароны. Па-другое, варта пачаць будаўніцтва штучных платформ для гнёздаў, якія дазволяць падтрымаць папуляцыю, пакуль не вырастуць новыя прыдатныя дрэвы.